भावी राष्ट्रपतिका लागि मेरो नाममा नै सहमति हुन्छ : सुवास नेम्वाङ

काठमाडौं- नेकपा एमालेबाट राष्ट्रपतिका उम्मेदवार एवं पार्टी उपाध्यक्ष  सुवासचन्द्र नेम्वाङले आफ्नो नाममा राष्ट्रिय सहमति हुने बताएका छन्।

शनिबार राष्ट्रपति र उपराष्ट्रपतिको निर्वाचन कार्यालयमा राष्ट्रपतिको उम्मेदवारी दर्ता गराइसकेपछि सञ्चारकर्मीसँग कुरा गर्दै उनले आफ्नो नाममा राष्ट्रिय सहमति हुने बताएका हुन्। सबै हिसावले आफू संविधानको परिपालना गर्न लाग्ने उनको प्रस्टोक्ति थियो।

उनले स्वस्थ प्रतिष्पर्धालाई सम्मान र जगेर्ना गर्दै देशमा स्वस्थ आधार र वातावरण तयार गर्न आफ्नो भूमिका हुने बताए। संविधानसभा अध्यक्ष एवं पूर्व सभामुखसमेत रहेका उनले संविधानको संरक्षक हुने अवसर पाएको भन्दै संविधानको रक्षा गर्न लागि पर्ने बताए।