राष्ट्रपतिमा नेपाल समाजवादी पार्टीको समर्थन कांग्रेसलाई

काठमाडौं- डा. बाबुराम भट्टराई नेतृत्वको नेपाल समाजवादी पार्टी नेसपाले राष्ट्रपति निर्वाचनमा नेपाली कांग्रेसका उम्मेदवारलाई मत दिने भएको छ।

नेसपाको बैठकले आगामी फागुन २५ गते हुने चुनावमा नेपाली कांग्रेसका उम्मेदवार रामचन्द्र पौडेललाई मत दिने निर्णय गरेको हो।

बैठकले राष्ट्रपति चुनावका सन्दर्भमा बनेको नयाँ गठबन्धनलाई सहयोग गर्ने निर्णयसमेत गरेको छ। नेकपा माओवादी केन्द्रको चुनाव चिह्न लिएर गत निर्वाचन लडेको नेसपाका संघीय संसदमा २ र प्रदेश सभामा २ जना सांसद छन्।