काठमाडौं– बुधबार बस्ने भनिएको प्रतिनिधिसभा बैठक स्थगित भएको छ। प्रतिनिधिसभा बैठकमा कांग्रेस र एमाले दुवैले प्रतिपक्षी बेन्चमा बस्ने अडान लिएसँगै अन्योलका कारण बैठक स्थगित भएको हो।
संघीय संसद् सचिवालयले आज दिउँसो १ बजे बस्ने भनिएको प्रतिनिधिसभा बैठक ५ चैतसम्मका लागि स्थगित भएको जानकारी दिएको हो।
अब प्रतिनिधिसभा बैठक राष्ट्रपति तथा उपराष्ट्रपति निर्वाचनपछि मात्रै बस्नेछ। २५ फागुनमा राष्ट्रपति र ३ चैतमा उपराष्ट्रपति निर्वाचन हुँदै छ।
प्रतिनिधिसभा नियमावली, २०७५ को नियम ६ को उपनियम ३ बमोजिम सभामुखले सभाको बैठक ५ चैत आइतबार दिउँसो १ बजे बस्ने गरी निर्धारण गरेको संघीय संसद्का महासचिव डा. भरतराज गौतमले बताए।
प्रकाशित: Mar 01, 2023| 16:25 बुधबार, फागुन १७, २०७९
