एमाले लामो दौडको घोडा  : अध्यक्ष ओली

काठमाडौं– एमाले अध्यक्ष केपी ओलीले आफ्नो पार्टी देश बनाउने अभियानका क्रममा म्याराथन दौडमा रहेको बताएका छन्। एमाले लामो दौडको घोडा भएकाले देश बनाउने अभियानमा निरन्तरण दौडिइरहने उनको भनाइ छ।

शुक्रबार एमाले निकट खेलकुद महासंघका नवनिर्वाचित पदाधिकारीको सपथ कार्यक्रममा सहभागी अध्यक्ष ओलीले सत्ताका लागि अरु पार्टीजस्तो दैनिक फोहारी खेलमा एमाले सामेल नहुने दाबी गरे।

उनले भने, ‘अर्बौं, खर्बाैं वर्ष तातेपछि सूर्य तातेजस्तै एमाले पनि त्यस्तै हो।’ झन्डै दुई तिहाइमा पुगेको पार्टीलाई कमजोर बनाएर प्रतिक्रियावादीले फुट ल्याइदिएको ओलीले आरोप लगाए। अध्यक्ष ओलीले खेल मात्रै नभएर राजनीतिमा पनि फउल खेल्ने सफल नहुने बताए।