रिक्त सांसद चयन गर्न आज जसपाको बैठक बस्दै

काठमाडौं- जनता समाजवादी पार्टी नेपाल (जसपा)ले आज केन्द्रीय कार्यकारिणी समितिको बैठक बोलाएको छ। 

विधान मस्यौदालगायत समानुपातिक सांसदबारे निर्णय गर्न बिहान ११ बजेका लागि बैठक बोलाएको कार्यकारिणी समिति सदस्य शिवलाल थापाले जानकारी दिए। 

जसपाकी सांसद शहनाज रहमानको निधन भएपछि प्रतिनिधिसभातर्फको एक स्थान रिक्त छ। बैठक पार्टी कार्यालयमा बस्नेछ।