काठमाडौं- उपराष्ट्रपति निर्वाचन, सरकार विस्तार र प्रधानमन्त्रीले विश्वासको मत माग्नेबारे छलफल गर्न १० दलीय गठबन्धनको बैठक प्रधानमन्त्री निवास बालुवाटारमा बसेको छ।
उपराष्ट्रपति निर्वाचन आगामी शुक्रबार हुँदैछ भने प्रधानमन्त्री प्रचण्डले चैत ६ गते विश्वासको मत माग्ने तयारी गरेका छन्। त्यसलगत्तै सरकार विस्तार गर्ने तयारीमा प्रधानमन्त्री छन्।
बैठकमा नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, लोसपा अध्यक्ष महन्थ ठाकुर, नेकपा एकीकृत समाजवादीका अध्यक्ष माधवकुमार नेपाललगायत गठबन्धन दलका शीर्ष नेता सहभागी छन्।
प्रकाशित: Mar 15, 2023| 18:05 बुधबार, चैत १, २०७९
