सांसद निर्वाचित भइन् जसपा उम्मेदवार मञ्जु शर्मा 

काठमाडौं– निर्वाचन आयोगले जनता समाजवादी पार्टीकी मञ्जु शर्मा प्रतिनिधिसभा सदस्यमा निर्वाचित भएको जनाएको छ।  
सोमबार आयोगले बन्दसूचीको क्रमसंख्या ५३, महिला, समावेशी समूह मुस्लिम, समावेशी समूहभित्रको प्राथमिकताक्रम २ मा रहेकी शर्मालाई प्रतिनिधिसभा सदस्यमा निर्वाचित भएको घोषणा गरेको हो।

जसपाले समानुपातिक सांसद सहनाज रहमानको निधन भएपछि रिक्त रहेको पदमा अन्सारीलाई नियुक्त गर्न आयोगलाई सिफारिस गरेको थियो।

अब निर्वाचित शर्माको नामावली राजपत्रमा प्रकाशन गरिने र संसद् सचिवालयलाई जानकारी दिइने आयोगका उपसचिव एवं सहायक प्रवक्ता सूर्यप्रसाद अर्यालले बताए।