चिनियाँ राजदूतले भेटे राष्ट्रपति पौडेललाई

नेपालका लागि चिनियाँ राजदूत छेन सङले बुधबार राष्ट्रपति रामचन्द्र पौडेलसँग भेट गरेका छन्।

राष्ट्रपति कार्यालय शीतल निवासमा भएको भेटमा नेपाल र जनवादी गणतन्त्र चीनबीच रहिआएको द्विपक्षीय सम्बन्ध, पारस्परिक हित र चासोका विषयमा कुराकानी भएको बताइएको छ।

पौडेल राष्ट्रपति भएपछि राजदूत सङले पहिलोपटक भेटेका हुन्। 

२५ फागुनमा राष्ट्रपति निर्वाचित भएका पौडेल भेटघाट तथा विभिन्न कार्यक्रमहरुमा व्यस्त छन्।