जनयुद्ध दिवस खारेज गर्न माग गर्दै सर्वोच्चमा रिट

काठमाडौं- जनयुद्ध दिवस खारेज गर्न माग गर्दै सर्वोच्च अदालतमा रिट परेको छ। द्वन्द्वपीडितहरूले जनयुद्ध दिवस खारेज गर्न आदेश माग गर्दै सर्वोच्चमा रिट हालेका हुन्।

उनीहरु रिट लिएर सर्वोच्चमा पुगे पनि दर्ता भने भइसकेको छैन।  आवश्यक अध्ययनपछि दर्ता हुने वा दरपीठ हुने सर्वोच्च प्रशासनले जनाएको छ। 

सरकारले गत फागुन १ गते जनयुद्ध दिवसका दिन सार्वजनिक बिदा दिएको थियो। साथै मन्त्रिपरिषद् बैठकले आगामी वर्ष पनि फागुन १ गते जनयुद्ध दिवस मनाउन सार्वजनिक बिदा दिने निर्णय गरिसकेको छ।