नेकपा एसबाट वेदुराम र प्रकाश मन्त्री बन्ने

काठमाडौं- नेकपा (एकीकृत समाजवादी)ले पार्टी उपाध्यक्ष वेदुराम भुसाल र प्रमुख सचेतक प्रकाश ज्वालालाई मन्त्री बनाउने भएको छ। उपाध्यक्ष भुसालको नेतृत्वमा ज्वालालाई सरकारमा सहभागी गराइने भएको हो। 

बुधबार बसेको पार्टी पदाधिकारी बैठकले भुसाल र ज्वालालाई सरकारमा पठाउने निर्णय गरेको छ। तीन मन्त्रालय आफ्नो दलले पाउनुपर्ने दाबी गर्दै आएको एकीकृत समाजवादीले दुई वटा मन्त्रालय पाउने भएको छ।

बाँकी मन्त्रालयको टुंगो लगाउन सत्तारुढ गठबन्धनका नेताहरू प्रधानमन्त्री निवास बालुवाटारमा छलफल गरिरहेका छन्।मन्त्रालय भागवण्डा नमिल्दा ६ चैतमा विश्वासको मत लिएका प्रधानमन्त्रीले सरकार विस्तार गर्न सकेका छैनन्।