चितवनमा कांग्रेस एकढिक्का भएकाले रवि हार्छन् : महामन्त्री शर्मा

काठमाडौं– १० वैशाखको उपनिर्वाचनका लागि रिक्त चितवन २ मा दस दलीय गठबन्धनबाट कांग्रेसका उम्मेदवार जितनारायण श्रेष्ठलाई जिताउने मिसनसहित चितवन पुगेका महामन्त्री विश्वप्रकाश शर्माले यसपालिको चुनावी नतिजा रवि लामिछानेको विपक्षमा जाने दाबी गरेका छन्।

सोमबार जिल्ला जिल्ला निर्वाचन कार्यालय चितवनमा श्रेष्ठको उम्मेदवारी दर्तापछि प्रतिक्रिया दिँदै महामन्त्री शर्माले चितवनमा कांग्रेस एकढिक्का भएको र अघिल्लोपल्ट अन्यत्र भोट दिएकाले यसपटक जितनारायणको पक्ष लिएको हुँदा जित निश्चित भएको दाबी गरेका हुन्।

उनले भने, ‘चुनाव जित्न सकिँदैन भन्ने धेरैलाई लागेको हुन सक्छ। तर एक जना बाले यसपटक १० वैशाखमा परिणाम उल्टिन्छ भन्नुभएको छ। ४ मंसिरको निर्वाचनमा कांग्रेसको १८ हजार भोट अन्यत्र गएको थियो। यसपटक हाम्रोमै आउने भएपछि रविको साटो हामीले चुनाव जित्छौं।’ 

रास्वपाका अध्यक्ष रवि लामिछाने नागरिकता प्रकरणमा मुछिएसँगै सर्वोच्च अदालतले सांसद पद गुमाइदिएपछि चितवन २ मा निर्वाचन हुन लागेको हो।

चितवन कांग्रेसभित्र बलियो आधार भए पनि ४ मंसिरको निर्वाचनमा माओवादी उम्मेदवारलाई टिकट दिइएपछि स्वतन्त्र चुनाव उठेका दिनेश कोइरालाले समेत श्रेष्ठलाई जिताउन सार्वजनिक आह्वान गरेका छन्। कांग्रेसले कांग्रेसले विकास कोइरालामाथिको कारबाही फुकुवा गरेको छ।