सदन चलिरहँदा मोबाइल नचलाउन सांसदहरूलाई राष्ट्रिय सभाध्यक्षको आग्रह

काठमाडौं– राष्ट्रिय सभाध्यक्ष गणेशप्रसाद तिमिल्सिनाले सदनमा बहस भइरहेका बेला मोबाइल नचलाउन  सांसदसँग आग्रह गरेका छन्।

मंगलबारको राष्ट्रिय सभा बैठकमा अध्यक्ष तिमिल्सिनाले सदन चलिरहेका बेला मोबाइल स्वीच अफ गर्न सांसदलाई सचेत गराएका हुन्।

संसद् बैठकमा नेकपा एसकी सांसद मदनकुमारी साहले बोलिरहका बेला एक सांसदले मोबाइल चलाइरहेको देखेपछि अध्यक्ष तिमिल्सिनाले स्वीच अफ गर्न सुझाएका थिए। उनले भने, ‘माननीयज्यू मोबाइल स्वीच अफ गर्नुस्।’

सदन चलिरहेका बेला सांसदलाई सचेत गराउन सक्ने अधिकार सभाध्यक्षमा निहित हुन्छ।