फेरि समातिए विप्लव समुहका २ कार्यकर्ता

नवलपरासी- सरकारले प्रतिवन्ध लगाएको नेत्रविक्रम चन्द विप्लव समुहका २ जना कार्यकर्ता नवलपरासीपूर्वबाट पक्राउ परेका छन् ।

जिल्ला प्रहरी कार्यालय नवलपरासीपूर्वले नवलपुरको मध्यविन्दु नगरपालिका–१० मजुवाखोलाबाट उनीहरुलाई बिहीबार राति पक्राउ गरेको हो । 

पक्राउ पर्नेमा विप्लव समूहका जिल्ला सदस्य ३५ वर्षीय गणेश विक र २६ वर्षीय गोविन्द विक रहेका छन् । 

पक्राउ परेका दुवैलाई जिल्ला प्रहरी कार्यालय नवलपरासीपूर्वमा राखी थप अनुसन्धान थालिएको प्रहरी नायब उपरीक्षक अर्जुन रानाभाटले जानकारी दिए।

यसअघि बुधबार रातिमात्रै प्रहरीले विप्लवका दाइसहित २१ जना नेताहरुलाई दाङबाट पक्राउ गरेको थियो ।