एमसीसीविरुद्ध बानेश्वरमा प्रदर्शन [तस्बिरहरू]

काठमाडौं- अमेरिकी सहयोग नियोग मिलिनियम च्यालेन्ज कर्पोरेसन (एमसीसी) सम्झौता संसद्‍बाट पारित गर्न खोजिएको भन्दै केही दिनयता राजधानीमा निरन्तर प्रदर्शन भइरहेका छन्।सोही क्रममा बुधबार पनि विभिन्न राजनीतिक दल र समूहले माइतीघर र बानेश्वर क्षेत्रमा प्रदर्शन गरेका हुन्। 

बुधबार देशभक्त जनगणतान्त्रिक मोर्चा, नेकपा संयुक्त, नेकपा एकता केन्द्र, नेपालको लागि नेपालीलगायतका पार्टीहरुले माइतीघरमा जम्मा भएर विरोध प्रदर्शन गरे।

माइतीघरबाट निकालेको र्‍याली नयाँ बानेश्वर पुगेर सभामा परिणत भएको छ। कार्यक्रममा कम्युनिस्ट नेताहरू सीपी गजुरेल र सीपी मैनालीसहितका नेताहरूले सम्बोधन गरेका थिए।