चीनमा ८३.४ मिटरको रूख सबैभन्दा अग्लो

मुख्य समाचार

गृहपृष्ठ
मुख्य समाचार

चीनमा ८३.४ मिटरको रूख सबैभन्दा अग्लो

क्यापिटल नेपालसोमबार, असोज २४, २०७९

चीनमा रहेकामध्ये ८३.४ मिटर अग्लो रूख नै सबैभन्दा अग्लो रूख भएको दाबी गरिएको छ । अनुसन्धानकर्ताहरुको वैज्ञानिककाे एक अनुसन्धानले देशभरकै सबैभन्दा अग्लो रूखसम्बन्धी विवरण आइतबार सार्वजनिक गरेको हो ।

साङ्घाइ चेन्नस बोटानिकल गार्डेनले देशभरि रहेका रूखहरुमध्ये त्यही रूख नै सबैभन्दा अग्लो देखिएको जनाएको छ । कीर्तिमानी सो सबैभन्दा अग्लो रूखको नाम “अबिज एर्नेस्ती वर सालौएनेन्सीस” राखिएको छ ।

चीनको दक्षिणपश्चिमी क्षेत्रमा पर्ने पहाडी भूभाग तिब्बत स्वशासित क्षेत्रमा सो रुख रहेको जनाइएको छ । औसत रुखको उचाइ भने २ हजार ८ सय रहेको छ । यो सबैभन्दा अग्लो रूखको पहिचान पहिलो पटक गत मे महिनामा गरिएको थियो । चिनियाँ विज्ञान प्रतिष्ठान अन्तर्गतको इस्ष्टिच्युड अफ बोट्नीले सुरुमा त्यसको पहिचान गरेको हो । त्यही रुख नै देशभरीको सबैभन्दा अग्लो रुख हो भन्ने कुराको दोस्रो पटक गत अगस्टमा पुष्टि गरिएको थियो ।

सबैभन्दा अग्लो रूख पहिचान गर्न ड्रोनको प्रयोग गरिएको थियो । त्यस रुखको मोटाइ भने दुई सय ७ सेन्टीमिटर रहेको छ । यो रूख ३ सय ८० वर्ष पुरानो भएको पनि दाबी गरिएको छ । एजेन्सी

प्रकाशित मिति: सोमबार, असोज २४, २०७९ १३:०३

प्रतिक्रिया दिनुहोस्