कोरोना संक्रमणको तेज रफ्तार : दुई दिनमै चार लाखभन्दा बढी संक्रमित

कोरोना भाइरसको संक्रमणबाट मृत्यु हुनेको संख्या ३ लाख नाघेको छ। १८८ देशका ४४ लाख ३७ हजार संक्रमित छन्।

कोरोना संक्रमणको रफ्तार पछिल्लो महिनादेखि निकै तीव्र छ। अप्रिल पहिलो सातासम्ममा विश्वभर कोरोना संक्रमितको संख्या १० लाखमात्र थियो। त्यसको दुई सातामा नै यो संख्या २० लाख पुग्यो।

त्यसपछिका १० लाख संक्रमित थपिन दुई साता पनि लागेन। २८ अप्रिलमा नै कोरोना संक्रमितको संख्या बढेर ३० लाख पुगिसकेको थियो।

१३ मेमा कोरोना संक्रमितको संख्या ४० लाख नाघ्यो।

दुई दिनमा ४ लाखभन्दा बढी संक्रमित थपिइसकेका छन्। आज (१५ मे) मा संक्रमितको संख्या ४४ लाख ३७ हजार नाघेको छ।

बीबीसी