अमेरिकी संसदद्वारा १७ खर्ब डलरको विशेष आर्थिक प्याकेज पारित

मुख्य समाचार

गृहपृष्ठ
मुख्य समाचार

अमेरिकी संसदद्वारा १७ खर्ब डलरको विशेष आर्थिक प्याकेज पारित

क्यापिटल नेपालशनिबार, पुस ९, २०७९

वासिङ्टन, सिन्ह्वा । अमेरिकी प्रतिनिधि सभाले शुक्रबार संघीय सरकारलाई आर्थिक सहयोग गर्ने उद्देश्यले विशेष आर्थिक प्याकेज पारित गरेको छ ।उक्त १७ खर्ब डलर (१.७ ट्रिलियन) ओम्निबस बिल बिहीबार सिनेटले पारित गरेर ह्वाइट हाउस पठाइँदैछ।

अमेरिकी राष्ट्रपति जो बाइडेनले शुक्रबार उक्त प्याकेज आफ्नो डेस्कमा पुग्ने बित्तिकै हस्ताक्षर गर्ने बताएका छन् । एक हप्ताको निरन्तर छलफलपश्चात् ४ हजार पृष्ठ लामो उक्त प्रतिवेदन अब राष्ट्रपतिको हस्ताक्षरको पर्खाइमा छ।

आर्थिक वर्ष सन् २०२३ को लागि ठूलो खर्च कानूनमा गैररक्षा, घरेलु कार्यक्रमका लागि ७ खर्ब ७२ अर्ब ५० करोड डलर र रक्षा कोषमा ८ खर्ब ५८ अर्ब डलर समावेश छ । यो रकम अघिल्लो वर्षको तुलनामा झण्डै १० प्रतिशतले बढेको छ।

यसले रुससँग चलिरहेको द्वन्द्वको बीच युक्रेनका लागि करिब ४५ अर्ब डलर आपतकालीन कोष पनि उपलब्ध गराउँदै छ । सैन्य गतिविधिमा ठूलो रकम खर्च गरेकोमा संयुक्त राज्य अमेरिकाको चर्को आलोचना भइरहेको बेला यो कोष आएको हो ।

प्रकाशित मिति: शनिबार, पुस ९, २०७९ १६:५२

प्रतिक्रिया दिनुहोस्