त्रिमूर्ति कपडा पसलको आइडिया– ‘मोबाइल कपडा’ रणनीति

मुख्य समाचार

गृहपृष्ठ
मुख्य समाचार

त्रिमूर्ति कपडा पसलको आइडिया– ‘मोबाइल कपडा’ रणनीति

क्यापिटल नेपालआइतबार, पुस २४, २०७९

काठमाडौं। भनिन्छ, श्रीमान्-श्रीमती एक रथका दुई पांग्रा हुन्। दुवै जना मिलेरअघि बढे धेरै काम गर्न सकिन्छ। याे दम्पती मिलेर काम गरेकाे धेरै उदाहरण पनि छन्। ती मध्ये एक हुन्, काठमाडौंका अभिनेष कार्की र शान्ति कार्की।

याे जाेडीले त्रिमूर्ति कपडा पसल सञ्चालन गर्दै आइरहेकाे छ। त्यही पसलमार्फत उनीहरूले मुलुकभरका मध्यमवर्गीय जनतालाई सस्तो मूल्यमा गुणस्तरीय कपडा उपलब्ध गराइरहेका छन्।

दुवै जना मिलेर आफ्नो भ्यानमा लुगा बोकेर मुलुकका सहरदेखि दुर्गम क्षेत्रमा जाने गर्छन्। त्यससम्म पुग्न उनीहरूले मोबाइल कपडा रणनीति अपनाएका छन्।

उनीहरूकाे कपडा गार्भेन्ट छ। उनीहरूले आफूले बनाएका कपडा घर-घरमा पुर्‍याउने काम पनि गरिरहेका छन्। याे दम्पती मिलेर सञ्चालन गरिरहेको यो व्यवसायमा थप मानिसहरू राखेर व्यवसायलाई बजारीकरण गर्दै उत्पादन तथा सेवा बढाउने योजना उनीहरूको छ।

‘हामीले होलसेलमा कपडा सिलाइको काम गर्दै आइरहेका छौं,’ अभिनेष कार्कीले भने ‘हामीले आफ्नै मेसिनबाट कपडा सिलाउने काम गर्छाैं। हाम्रोमा महिला तथा पुरूषका विभिन्न थरिका कपडा तथा ज्याकेटहरू उपलब्ध छन्।’ कोरोना महामारीले गर्दा आफ्नो व्यवसायलाई असर पुर्‍याएको र त्यसलाई अगाडि बढाउन अहिले प्रयत्नशील रहेको उनी बताउँछन्।

उनीहरूले यो व्यवसाय सहकारीबाट ऋण लिएर सुरू गरेका हुन्। उनीहरूको व्यवसायको मुख्य विशेषता भनेको कपडा पसलहरूलाई आफैंले कपडा सिलाएर उनीहरूको घरसम्म पुर्‍याई दिने हो। भविष्यमा कपडा कारखाना स्थापना गर्ने उनीहरूले योजना बनाएका छन्। कपडाको व्यवसाय सञ्चालन गरेर देशमै केही गर्नुपर्छ भन्ने मसायका साथ आफूहरुले काम गरिरहेको उनीहरू बताउँछन्।

प्रकाशित मिति: आइतबार, पुस २४, २०७९ १७:२५

प्रतिक्रिया दिनुहोस्