सरकारलाई दबाब दिन खोकनावासी माइतीघरमा (तस्बिरहरु)

आफ्नो जग्गाबाट जबर्जस्ती फास्ट ट्रयाक (काठमाडौं–तराई द्रुत मार्ग) बनाउन लागिएको विरोधमा खोकनाबासीले आज काठमाडौैको माइतीघर मण्डलमा प्रदर्शन गरेका छन्।

प्रदर्शनमा सहभागीहरुले विकासका नाममा नेवाः सम्पदा मास्न पाइँदैन, सडक विस्तार पीडितहरुलाई उचित क्षतिपूर्ति दे, नेवाः जातिलाई विस्थापित गर्ने आयोजना खारेज गर, फास्ट ट्रयाकको जिरो प्वाइन्ट खोकनालाई बनाउन पाइँदैन लगायत लेखिएका प्ला कार्ड बोकेका थिए।

यसअघि गत शनिबार फास्ट ट्रयाक प्रभावित क्षेत्रमा रोपाइँ गर्न लागेका किसानलाई प्रहरीले रोकेपछि खोकनामा तनाव भएको थियो।

विकासका नाममा सरकारले स्थानीयको जग्गाजमिन र पुर्ख्यौली थातथलो कब्जा गरेको भन्दै खोकनावासीले विरोध गर्दै आएका छन्।