खोकनामा रोपाइँ गरेर विरोध प्रदर्शन (तस्बिरहरु)

ललितपुरको खोकनास्थित फास्ट ट्रयाकमा पर्ने जग्गामा आज शनिबार पनि धान रोपेर स्थानीयले विरोध गरेका छन्।

यसअघि पनि उनीहरुले धान रोपेर विरोध गरेका थिए । तर, प्रहरीले अवरोध गरेपछि झडप भएको थियो।

आज भने आन्दोलन सुरु हुनुअघि नै प्रहरी फर्किएपछि झडप हुन पाएन। स्थानीयले खेत जोतेर धान रोपेका छन्।

पेट्रोलियम भण्डार र सुरुङमार्ग चाहिँदैन भन्दै उनीहरुले रोपाइँ गरेर विरोध जनाएका हुन् ।