हेटौंडामा आइसरको रि–सेल मेला, २५ लाखको आकस्मिक बिमा सुविधा

अटो

गृहपृष्ठ
अटो

हेटौंडामा आइसरको रि–सेल मेला, २५ लाखको आकस्मिक बिमा सुविधा

क्यापिटल नेपालसोमबार, पुस ९, २०८०

काठमाडौं। नेपालका लागि आइसर गाडीको आधिकारिक वितरक बतास एमएडब्लू कमर्सियल भेइकल प्रालिले ग्राहक मागलाई लक्षित गर्दै हेटौडामा रि–सेल मेला आयोजना गरेको छ।

मेला उद्घाटन नेपाल ट्रक यातायात महासंघ र नारायणी यातायात व्यवसायी संघ अध्यक्ष हिरालाल श्रेष्ठ, नेपाल निर्माण व्यवसायी संघ, मकवानपुरका अध्यक्ष बालगोपाल कँडेल, हेटौंडा उप–महानगरका प्रतिनिधि विजय पुडासैनी र कम्पनीका रि–सेल प्रमुख परीक्षण धिमालले संयुक्त रूपमा गरेका थिए।

कार्यक्रममा नारायणी यातायात व्यवसायी संघ अध्यक्ष श्रेष्ठले आइसर ट्रकको माइलेज विशेष र पावर उत्कृष्ट रहेकै कारण ग्राहक रोजाइमा परेको बताए। मेलाबाट मध्यम वर्गका ग्राहक पनि सजिलै स्वरोजगार भई आत्मनिर्भर हुन सक्ने उनको भनाइ छ।

चालकलाई लक्षित गरी २५ लाखको आकस्मिक बिमाले थप ऊर्जा दिने उनले बताए। मेला पुस ८ देखि १० सम्म सञ्चालन हुनेछ।

यसअघि आइसरले ग्राहकलाई लक्षित गर्दै सिद्धार्थ प्रिमियर इन्स्योरेन्ससँग क्यासलेस इन्स्योरेन्स सम्झौता गरेको छ।क्यासलेस योजनामार्फत दुर्घटना भएको खण्डमा आइसर मोटर्सका गाडीका खरिदकर्ता बतास एमएडब्लूका आधिकारिक सर्भिस सेन्टरमा गई गाडी मर्मत वा बिमा रकम दाबी गर्न सक्नेछन्।

क्यासलेस इन्स्योरेन्सअन्तर्गत ग्राहकले सवारीसाधन दुर्घटनामा परे आइसरको आधिकारिक वर्कसपमा गई मर्मत गराउन सक्ने कम्पनीले बताएको छ।

प्रकाशित मिति: सोमबार, पुस ९, २०८० ११:४२

प्रतिक्रिया दिनुहोस्