एनआईसी एसिया बैंकको ‘फोटो–पात्रो २०७८’ प्रतियोगिता

काठमाडाैं- एनआईसी एसिया बैंकले देश तथा विदेशमा रहेका सम्पूर्ण नेपाली नागरिकहरूका लागि ‘फोटो–पात्रो २०७८’ नामक फोटो प्रतियोगिता सार्वजनिक गरेको छ।

बैंकले आफ्ना ग्राहकसँग रहेको फोटो खिच्ने कौशलको कदरस्वरूप २०७८ को क्यालेण्डरमा उनीहरूले कैद गरेका फोटोलाई स्थान दिने योजनाअनुरुप यस प्रतियोगिताको आयोजना गरेको हो।

यसरी प्राप्त हुने फोटोलाई क्यालेण्डरमा राख्ने मात्र नभई बैंकले उचित नगद पुरस्कारको व्यवस्था समेत गरेको छ। यस प्रतियोगितामा सहभागी हुन इच्छुकले सिजन, होप एन्ड पोजिटिभिटी, लाइफस्टाइल र फ्रेन्डशिप विधाहरूमा आफूले खिचेका एक वा एकभन्दा बढी फोटो पठाउन सक्नेछन्। ५० शब्द नबढाई आफ्नो फोटोको क्याप्सन लेखी अपलोड गर्नुपर्नेछ।

प्रतियोगिताबाट प्राप्त उत्कृष्ट १२ फोटोहरू बैंकले आफ्नो नयाँ वर्ष २०७८ को क्यालेण्डरमा प्रकाशित गर्नेछ। उक्त फोटोहरूका लागि बैंकले प्रतिफोटो १० हजार रुपैयाँ नगद रकम पुरस्कार प्रदान गर्ने बैंकले जनाएको छ।

यस प्रतियोगिताबाट उत्कृष्ट १२ मा सामेल हुन नसकेका अन्य आकर्षक फोटोहरूलाई बैंकले सम्मानस्वरूप आफ्नो सामाजिक सञ्जालका माध्यमहरू एवं विभिन्न प्रवद्र्धनात्मक प्रयोजनमा फोटो खिच्नेको नाम र क्याप्सनका साथ प्रकाशित गर्ने व्यवस्था गरेको छ।

प्रतियोगितामा पठाउनुपर्ने फोटो कम्तीमा ५४००८३६०० पिक्सल, साइज (इन्च) १८८१२, रिजोलुसन ३०० डीपीआई र ल्याण्डस्केप हुनुपर्नेछ। साथै यस प्रतियोगिता सम्बन्धी विस्तृत जानकारी बैंकको वेबसाइट तथा सामाजिक सञ्जालहरूमार्फत प्राप्त गर्न सकिनेछ।