आज १ हजार ३८० जनामा कोरोना पुष्टि

काठमाडौं- पछिल्लो २४ घण्टामा देशभर १ हजार ३८० जनामा कोरोना संक्रमण पुष्टि भएको छ।

९ हजार ३६९ जनाको पीसीआर परीक्षण गरिएकोमा १ हजार ३८० जनामा कोरोना संक्रमण पुष्टि भएको हो।

यो सहित नेपालमा कोरोना संक्रमण पुष्टि हुनेको कुल संख्या २ लाख ३० हजार ७२३ पुगेको छ।

पछिल्लो २४ घण्टामा कोरोना संक्रमणमुक्त भएर ५ सय १५ जना डिस्चार्ज भएका छन्।

हालसम्म कोरोना मुक्त हुनेको संख्या २ लाख ११ हजार १८६ पुगेको स्वास्थ्य तथा जनसंख्या मन्त्रालयले जनाएको छ।

यस्तै आज कोरोना संक्रमणबाट १९ जनाको मृत्यु भएको छ। योसहित कोरोनाबाट मृत्यु हुनेको कुल संख्या १ हजार ४५४ पुगेको छ।