गरिमा विकास बैंकको वित्तीय शिक्षा ब्लु डायमण्ड सोसाइटीका सदस्यलाई

कर्पोरेट बजार

गृहपृष्ठ
कर्पोरेट बजार

गरिमा विकास बैंकको वित्तीय शिक्षा ब्लु डायमण्ड सोसाइटीका सदस्यलाई

क्यापिटल नेपालसोमबार, फागुन २८, २०८०

काठमाडौं। गरिमा विकास बैंकले ब्लु डायमण्ड सोसाइटी सदस्य समूहलाई वित्तीय जागरण कार्यक्रम आयोजना गरेको छ।

बैंकको चावहिल शाखाद्वारा आयोजित कार्यक्रममा उपस्थित सहभागीलाई उत्प्रेरणा दिँदै व्यक्तिगत वित्तीय व्यवस्थापन, डिजिटल फ्रडबारे सचेतना, विभिन्न प्रकारका बचत, कर्जा तथा बैंकबाट प्राप्त गर्न सकिने अन्य विभिन्न सेवाका विषयमा वित्तीय शिक्षा दिइएको हो।

कार्यक्रममा ब्लु डायमण्ड सोसाइटीका अध्यक्ष शितल पिंकी गुरुङ उपस्थित थिइन् भने बैंकका जोखिम व्यवस्थापन विभाग प्रमुख दीपकराज भण्डारी, लाजिम्पाट क्षेत्रीय कार्यालय प्रमुख रमेश रिजाल, चावहिल शाखा प्रमुख इच्छा भण्डारी र अन्य कर्मचारी सहभागी थिए।

ब्लु डायमण्ड सोसाइटीका सदस्यलाई वित्त ज्ञान बाँड्न कार्यक्रमले सघाउने विश्वास बैंकले लिएको छ। बैंकले हाल १२३ शाखा, १ एक्सटेन्सन काउन्टर र ५१ एटीएममार्फत बैंकिङ सेवा दिँदै आएको छ।

प्रकाशित मिति: सोमबार, फागुन २८, २०८० ११:५९

प्रतिक्रिया दिनुहोस्