काठमाडौंमा नेकपा दाहाल–नेपाल समूहको शक्ति प्रदर्शन (फोटोफिचर)

काठमाडौं– प्रतिनिधिसभा विघटनविरुद्ध सडकमा उत्रिएको नेकपाको दाहाल–नेपाल समूहले काठमाडौंमा आज मंगलबार शक्ति प्रदर्शन गरेको छ।

काठमाडौंका विभिन्न स्थानबाट निस्केको जुलुश भृकुटीमण्डपमा पुगेर आमसभामा परिणत भएको छ। सभालाई पार्टीका अध्यक्ष तथा शीर्ष नेताहरुले सम्बोधन गर्ने कार्यक्रम छ। प्रदर्शनीमार्गको सडकलाई आमसभास्थल बनाइएको छ। 

टेकु, नयाँ बानेश्वर, मैतीदेवी, नक्साल, लैनचौर, कुलेश्वर, रत्नपार्क, बागबजार, कुपण्डोललगायत स्थानबाट जुलुस निकालिएको थियो।

आमसभालाई पुष्पकमल दाहाल, माधवकुमार नेपाल, झलनाथ खनाल, नारायणकाजी श्रेष्ठलगायत नेताहरुले सम्बोधन गर्ने भएका छन्।

प्रधानमन्त्री केपी शर्मा ओलीले असंवैधानिकरूपमा संसद् विघटन गरेको विषयमा आमसभाबाटै स्पष्ट पार्ने सो पक्षले जनाएको छ।