पशुपति सेरामिक्सको उत्पादन एटिएस ब्रान्डको टायल बिक्री सुरु

कर्पोरेट बजार

गृहपृष्ठ
कर्पोरेट बजार

पशुपति सेरामिक्सको उत्पादन एटिएस ब्रान्डको टायल बिक्री सुरु

क्यापिटल नेपालशुक्रबार, वैशाख २८, २०८१

काठमाडाैं। पशुपति सेरामिक्स् प्रालिबाट उत्पादित एटिएस टायलको परीक्षण बिक्री सुरु भएको छ। सिमराको विशेष आर्थिक क्षेत्रभित्र रहेको उद्योगले संरचना निर्माणलगायत सम्पन्न गरेर परीक्षणस्वरुप एटिएस ब्रान्डको टायल उत्पादन गरी बिक्री सुरु गरेको हो।

नेपालमा पहिलो बहुराष्ट्रिय टायल कम्पनीको जोइन्ट भेन्चरको रुपमा स्थापित पशुपति सेरामिक्स्ले नयाँ उत्पादनले दुई साता अवधिमै बजारबाट सकारात्मक प्रतिक्रिया पाइरहेको जनाएको छ।

कम्पनीले सुरुआती चरणमा भुइँका लागि ४०० गुणा ४०० मिमिको पार्किङ टाइल र ६०० गुणा ६०० मिमिको सेमिभिट्रिफाइड टायल बजारमा ल्याएको हो। भविष्यमा क्रमशः ३०० गुणा ४५० को वाल टायल, ६०० गुणा १२०० को जिभिटी र पिजिभिटी टायल उत्पादन गरिने कम्पनीले बताएको छ।

सबै प्रकार र आकारका टायल उत्पादन गर्न स्पेन, इटाली, चीन र भारतका मेसिनरी प्रयोग गरी ६०००० वर्गमिटर क्षेत्रफलमा इटालियन प्रविधिमा आधारित कारखाना स्थापना गरिएको कम्पनीका कार्यकारी निर्देशक सरोज रौनियारले जानकारी दिए। कम्पनीबाट उत्पादित टायल अन्तर्राष्ट्रिय स्तरका हुने भएकाले नेपाली उपभोक्ताले सस्तो मूल्यमा खरिद गर्न सक्ने उनको भनाइ छ।

करिब डेढ अर्ब लगानीमा स्थापित कम्पनीको दैनिक १५ हजार वर्गमिटर उत्पादन क्षमता छ भने आफ्ना उत्पादनले नेपाली बजारको करिब ४० प्रतिशत हिस्सा ओगट्ने आकलन गरेको छ। कम्पनीले करिब २५० जनालाई रोजगारी दिएको बताएको छ।

प्रकाशित मिति: शुक्रबार, वैशाख २८, २०८१ १७:१८

प्रतिक्रिया दिनुहोस्