राष्ट्रिय वाणिज्य बैंकका सीईओ खनालले लिए शपथ

बैंकिङ

गृहपृष्ठ
बैंकिङ

राष्ट्रिय वाणिज्य बैंकका सीईओ खनालले लिए शपथ

क्यापिटल नेपालशुक्रबार, जेठ ११, २०८१

काठमाडौं । राष्ट्रिय वाणिज्य बैंकका प्रमुख कार्यकारी अधिकृत (सीईओ)मा नियुक्त भएका देवेन्द्ररमण खनालले पद तथा गोनियताको सपथ लिएका छन्। खनालले बैंक संचालक समितिका अध्यक्ष दिलिपकुमार ढुंगानाबाट आज शपथ लिएका हुन्।

बैंक सञ्चालक समितिले खनाललाई सीईओमा आगामी चार वर्षका लागि नियुक्त गरेको हो। खनाल खुला प्रतिस्पर्धाबाट बैंकको सीईओमा नियुक्त भएका हुन्। वि. सं. २०६४ भदौमा बैंकमा आवद्ध भएका खनाल चार्टर्ड एकाउन्टेन्ट हुन्।

सोही बैंकको शाखा कार्यालय प्रमुख, प्रादेशिक कार्यालय, कर्जा लगायत विभिन्न विभागको जिम्मेवारीमा रहेका खनालसँग डेढ दशक बढी बैंकिङ क्षेत्रको अनुभव रहेको छ। पूर्व सीईओ किरण कुमार श्रेष्ठले अवकाश पाएपछि खनाल कायम मुकायम सीईओको भूमिकामा रहेका थिए।

प्रकाशित मिति: शुक्रबार, जेठ ११, २०८१ १४:४२

प्रतिक्रिया दिनुहोस्