पाल्पा कार दुर्घटनामा तीनको मृत्यु, दुई घाइते

समाज

गृहपृष्ठ
समाज

पाल्पा कार दुर्घटनामा तीनको मृत्यु, दुई घाइते

क्यापिटल नेपालबिहीबार, जेठ ३१, २०८१

काठमाडौं। पाल्पाको नुवाकोटबाट बुटवल आउँदै गरेको कार गए राती दुर्घटना हुँदा तीन जनाको मृत्यु भएको इलाका प्रहरी कार्यालय बुटवलले जनाएको छ।

बुटवलदेखि तीन किलोमिटर नजिकको पाल्पाको नुवाकोट घुमेर फर्किंदै गरेको लु२च ८५३१ नम्बरको कार बुधबार बेलुकी साढे ८ बजेतिर दुर्घटना हुँदा तीनको मृत्यु दुई जना घाइते भएका हुन्।

सडकदेखि करिब एक सय मिटर तल खसेको कारमा सवार स्याङ्जा पुतलीबजार घर भई हाल बुटवल–१० बस्दै आएका कार चालक ५६ वर्षीय रामप्रसाद शर्मा, तिलोत्तमा–३ रुपन्देहीकी ५७ वर्षीया आशा श्रेष्ठ र सोही ठाउँकी ५० वर्षीया भगवती श्रेष्ठको मृत्यु भएको हो।

दुर्घटनामा घाइते भएकालाई उद्धार गरी उपचारका लागि लुम्बिनी प्रादेशिक अस्पताल बुटवल ल्याइएकोमा तीन जनाको मृत्यु भएको इलाका प्रहरी कार्यालय बुटवलका प्रमुख प्रहरी नायव उपरीक्षक विजयराज पण्डितले बताएको प्रहरीको केन्द्रीय समाचार कक्षले जनाएको छ।

दुर्घटनामा परी घाइते भएका बुटवल उपमहानगर–९ बस्ने चन्द्रा श्रेष्ठ र बुटवल–११ बस्ने लक्ष्मीता श्रेष्ठको लुम्बिनी प्रादेशिक अस्पतालमा उपचार भइरहेको छ।

प्रकाशित मिति: बिहीबार, जेठ ३१, २०८१ १२:००

प्रतिक्रिया दिनुहोस्