एनपिएल नियमित भए सूक्ष्म निगरानीमा राखे हुने, बैंकको नाफा बढाउन सहयोग

बैंकिङ

गृहपृष्ठ
बैंकिङ

एनपिएल नियमित भए सूक्ष्म निगरानीमा राखे हुने, बैंकको नाफा बढाउन सहयोग

क्यापिटल नेपालशुक्रबार, साउन ११, २०८१

काठमाडौं । नेपाल राष्ट्र बैंकले निष्कृय कर्जा नियमितबारे पुरानो व्यवस्था खारेज गरेको छ। केन्द्रीय बैंकले यसअघि निष्कृय वर्गमा रहेको कर्जा नियमित हुँदा पनि ६ महिनापछि मात्रै असल वर्गमा राख्न पाउने व्यवस्था गरेको थियो।

अब कमसल, शंकास्पद वा खराब वर्गमा रहेका कर्जा नियमित भएमा ६ महिनासम्म ५ प्रतिशत प्रोभिजन गरेर बाँकी प्रोभिजन राइट ब्याक गरेर नाफामा गणना गर्न पाउनेछन्। यसले बैंकहरुको एनपिएल नघटे पनि नाफा बढाउन सहयोग हुनेछ।

यसले गर्दा बैंकहरूले नियमित भइसकेको कर्जाबाट गरिएको कर्जा नोक्सानी (प्रोभिजन) ‘राइट ब्याक’ गर्न ६ महिना कुर्नुपर्थ्यो। राष्ट्र बैंकको उक्त नीतिका कारण बैंकहरुको निष्कृय कर्जा अनुपात ६ महिनासम्म पुरानै रहने र प्रोभिजन समेत ६ महिनापछि मात्रै फितौ हुँदा नाफामा नकारात्मक प्रभाव परिरहेको थियो।

यसमा बैंकहरुहरुले समय-सान्दर्भिक नभएको भन्दै हटाउन माग गरिरहेका थिए। राष्ट्र बैंकले चालू आर्थिक वर्षको मौद्रिक नीतिमार्फत निष्कृय कर्जामा वर्गीकृत कर्जा नियमित भएको अवस्थामा ६ महिनासम्म सूक्ष्म निगरानीमा राख्नुपर्ने व्यवस्था गरेको छ।

यसअघिसम्म कर्जाको वर्गिकरणअनुसार कमशलमा २५ प्रतिशत, संकास्पदमा ५० प्रतिशत र खराब वर्गमा वर्गीकत कर्जामा १०० प्रतिशत प्रोभिजन भएको कर्जा नियमित हुँदा पनि ६ महिनासम्म सोही वर्गमै राख्नुपर्थ्यो भने ६ महिनापछि मात्रै असल वर्गमा राख्न पाउँथे।

प्रकाशित मिति: शुक्रबार, साउन ११, २०८१ १३:४४

प्रतिक्रिया दिनुहोस्