आज १०७ जनामा कोरोना संक्रमण पुष्टि

काठमाडौं- पछिल्लो २४ घण्टामा नेपालमा थप १०७ जनामा कोरोना संक्रमण पुष्टि भएको छ।

३ हजार २५४ जनाको पीसीआर परीक्षण गरिएकोमा १०७ जनामा कोरोना संक्रमण पुष्टि भएको हो।

यो सहित नेपालमा कुल संक्रमितको संख्या २ लाख ७५ हजार ६२५ पुगेको छ। यस्तै पछिल्लो २४ घण्टामा ६० जना कोरोनामुक्त भएका छन्।

हालसम्म कोरोना संक्रमणमुक्त हुनेको संख्या २ लाख ७१ हजार ६१० पुगेको छ।

हाल मुलुकभर सक्रिय संक्रमितको संख्या १ हजार रहेको स्वास्थ्य तथा जनसंख्या मन्त्रालयको तथ्यांक छ।

पछिल्लो २४ घण्टामा कोरोना संक्रमणबाट एक जनाको मृत्यु भएसँगै कोरोनाबाट मृत्यु हुनेको कुल संख्या ३ हजार १५ पुगेको छ।