छानबिन प्रतिवेदन संसद्लाई बुझाएलगत्तै रवि लामिछानेले भने- सहकारी ठगीमा मेरो संलग्नता भेटिएन

अर्थतन्त्र

गृहपृष्ठ
अर्थतन्त्र

छानबिन प्रतिवेदन संसद्लाई बुझाएलगत्तै रवि लामिछानेले भने- सहकारी ठगीमा मेरो संलग्नता भेटिएन

क्यापिटल नेपालसोमबार, भदौ ३१, २०८१

काठमाडौं । राष्ट्रिय स्वतन्त्र पार्टीका सभापति एवं पूर्वउप्रधान तथा गृहमन्त्री रवि लामिछानेले सहकारी ठगीमा आफ्नो संलग्नता नभएको सहकारी बचत दुरुपयोग विशेष संसदीय विशेष छानबिन समितिको प्रतिवेदनले पुष्टि गरेको दाबी गरेका छन्। यद्यपि प्रतिवेदनमा गोर्खा मिडिया सञ्चालनका बेला रविसहित चार जनाले सूर्यदर्शनलगायत ५ सहकारीको रकम अपचलन गरेको किटान गरिएको छ।

सोमबारको प्रतिनिधिसभा बैठकपछि सञ्चारकर्मीलाई प्रतिक्रिया दिँदै लामिछानेले गोर्खा मिडिया सञ्चालनका क्रममा भएका कमी, कमजोरीको जिम्मा भने लिने बताएका हुन्।

‘अझै पनि भाष्य निर्माण गर्न गोर्खा मिडियामा आएको पैसा मैले चलाएको भनिएको छ। आएको पैसाको आन्तरिक प्रशासन चलाउन चेक नकाटेर एमडीले घाँस काट्ने कुरा आउँदैन। जुन कुरामा लाञ्छना लगाइएको थियो, त्यसमा समितिले स्पष्ट पारेको छ,’ उनले भने।