पाटनमा सूर्यमानकाे छुट्टै घोडेजात्रा (फाेटाे फिचर)

ललितपुर– पाटनमा पनि आइतबार हर्षोल्लासका साथ घोडेजात्रा पर्व मनाइएको छ। पाटनमा एक जनाले घोडा चढेर नगर परिक्रमा गरी जात्रा मनाउने चलन छ।

यसपटक सूर्यमान महर्जनले घोडा कुदाएका थिए। काठमाडौंको सैनिक मञ्चमा भने नेपाली सेनाको विशेष समारोह आयोजना गरे घोडेजात्रा मनाइएको छ। 

मंगलबजारबाट निकालिएको घोडा पूजा गरेर वल्खुटोलबाट कुदाउन सुरु गरिएको थियो। त्यसपछि पाटन सहरका भित्री क्षेत्र परिक्रमा गर्दै भोलढोका पुर्‍याइएको थियो।

भोलढोकाबाट बालकुमारीसम्म तीन पटक ओहोरदोहोर गरेपछि सूर्यमान महर्जनलाई पान खुवाएर घोडेजात्रा समापन गरिएको छ।

विगतमा व्यक्तिले घरमा पालेको घोडा प्रयोग गरे पनि यस पटक नेपाली सेनाको घोडा प्रयोग गरिएको थियो।