रुसले बनाएको खोपलाई नेपालमा आपतकालीन प्रयोग अनुमति

काठमाडौं - रुसले विकास गरेको कोभिड १९ विरुद्धको स्पुतनिक भी खोपलाई नेपालले आपतकालीन प्रयोग अनुमति दिएको छ।

औषधि व्यवस्था विभागले मंगलबार स्पुतनिक भी खोप प्रयोगका लागि अनुमति दिएको हो। 

‘रुसी खोपलाई सर्तसहित आपतकालीन प्रयोगको अनुमति दिएका छौं,’ विभागका प्रवक्ता सन्तोष केसीले भनेका छन्। नेपालमा अहिले भारतीय र चिनियाँ खोप प्रयोगमा छन्। योसँगै नेपालमा तीन कम्पनीका खोपले अनुमति पाएका छन्।