बैंकहरुले मंसिरका लागि घटाए ०.२२ प्रतिशत बिन्दुले निक्षेपको ब्याजदर

बैंकिङ

गृहपृष्ठ
बैंकिङ

बैंकहरुले मंसिरका लागि घटाए ०.२२ प्रतिशत बिन्दुले निक्षेपको ब्याजदर

क्यापिटल नेपालशुक्रबार, कात्तिक ३०, २०८१

काठमाडौं। वाणिज्य बैंकहरुले मंसिर महिनाका लागि नयाँ ब्याजदर सार्वजनिक गरेका छन्। बैंकहरुले कात्तिकमा लागू ब्याजदरमा औसत ०.२२ प्रतिशत बिन्दुले घटाएर निक्षेपको ब्याजदर सार्वजनिक गरेका हुन्।

नेपाल राष्ट्र बैंकको प्रावधानअनुसार बैंक तथा वित्तीय संस्थाले पछिल्लो महिनामा लागू हुने निक्षेपको ब्याजदर अघिल्लो महिनाको मसान्तसम्म प्रकाशित गर्नुपर्छ। सोहीअनुसार बैंकहरुले कात्तिक मसान्तमै मंसिर १ देखि लागू हुने निक्षेपको ब्याजदर सार्वजनिक गरेका हुन्।

कात्तिकमा वाणिज्य बैंकहरुको औसत निक्षेप ब्याजदर ६.१९ प्रतिशत थियो। मंसिरमा केही बैंकले ब्याजदर घटाएर सार्वजनिक गर्दा मंसिरका लागि वाणिज्य बैंकहरुको औसत निक्षेप ब्याजदर ५.९७ प्रतिशत कायम भएको छ।

कात्तिकमा कायम ब्याजदरमा ११ वाणिज्य बैंकले ०.१ प्रतिशत १ प्रतिशत बिन्दुसम्मले घटाएका छन्। जसमा सबैभन्दा कम ब्याजदर सिटिजन्स बैंकले र सबैभन्दा बढी माछापुच्छ्रे बैंकले घटाएका हुन्।

मंसिरमा निक्षेप राख्दा वाणिज्य बैंकहरुले अधिकतम ५.५ प्रतिशतदेखि ६.७९ प्रतिशतसम्म ब्याजदर दिनेछन्। यसमा सबैभन्दा धैरै एनआईसी एसिया र सबैभन्दा कम लक्ष्मी सनराइज बैंकले मंसिरमा निक्षेपकर्तालाई ब्याज दिने भएका हुन्।

कात्तिकमा वाणिज्य बैंकहरुले ७ प्रतिशतसम्म निक्षेपमा ब्याजदर दिएका थिए।