आइएमई पे एपमा बैंक खाता लिंक गरी स्मार्ट फोन जित्ने मौका

कर्पोरेट बजार

गृहपृष्ठ
कर्पोरेट बजार

आइएमई पे एपमा बैंक खाता लिंक गरी स्मार्ट फोन जित्ने मौका

क्यापिटल नेपालशुक्रबार, मंसिर ७, २०८१

काठमाडौं। डिजिटल वालेट आइएमई पेले ‘बैंक लिंक गरौं, मोबाइल जितौं’ योजना सार्वजनिक गरेको छ। योजनामार्फत आइएमई पे एपले प्रयोगकर्तालाई आफ्नो बैंक खाता आइएमई पे एपमा लिंक गर्न र सहज डिजिटल भुक्तानी सुविधा अनुभव गर्न प्रोत्साहित गर्ने उद्देश्य राखिएको कम्पनीले जनाएकाे छ।

मंसिर ६ देखि माघ ६ सम्म सञ्चालन हुने योजनामा आइएमई पेका प्रयोगकर्ताले आफ्ना बैंक खातालाई आइएमई पे एपमा लिंक गरी बैंक खाताबाट सीधै आइएमई पे वालेटमा पैसा लोड गरी कम्तीमा ३ विभिन्न भुक्तानी गरेर स्मार्टफोन जित्ने मौका प्राप्त गर्न सक्नेछन्। योजनाअन्तर्गत हरेक १५ दिनमा एक भाग्यशाली विजेताले एउटा स्मार्टफोन जित्न सक्नेछन्।

प्रयोगकर्ताले आफ्नो बैंक खातालाई सीधै आइएमई पे एप अथवा कनेक्ट आइपिएसमार्फत आइएमई पे एपमा लिंक गर्न सक्नेछन्। अफरमा सहभागी हुन पहिलै लिंक नभएको बैंक खाता लिंक गर्नुपर्ने र पैसा पठाउने वा लोड गर्नेबाहेक अन्य ३ विभिन्न भुक्तानी गर्नुपर्नेछ।

‘यो अभियान प्रयोगकर्तालाई डिजिटल भुक्तानी अपनाउन र नगदरहित जीवनशैलीको फाइदा उठाउन प्रोत्साहन गर्न बनाइएको हो। बैंक खाता लिंक गरेर प्रयोगकर्ताले सजिलैसँग रकम ट्रान्सफर गर्न, विभिन्न बिल भुक्तानी गर्न र सामान खरिद गर्न सक्छन्’, आइएमई पेका प्रमुख कार्यकारी अधिकृत प्रवीण रेग्मीले भने।

प्रकाशित मिति: शुक्रबार, मंसिर ७, २०८१ १४:०२

प्रतिक्रिया दिनुहोस्