काठमाडौं– जनता समाजवादी पार्टी (जसपा) ले पदाधिकारी बैठक बोलाएको छ। भोलि सोमबार बस्न लागेको प्रतिनिधिसभा बैठकका बारेमा छलफल गर्न जसपाले बैठक बोलाएको हो।
जसपाका संघीय परिषद् अध्यक्ष डा. बाबुराम भट्टराईको निवासमा दिउँसो २ बजे बैठक बस्ने बताइएको छ।
प्रधानमन्त्री केपी ओलीले विश्वासको मत लिनका लागि प्रतिनिधिसभाको बैठक बोलाएपछि दलहरु अहिले दौडधुपमा छन्। जसपाका नेताहरुले आज नेपाली कांग्रेसका सभापति तथा एमाले अध्यक्ष एवं प्रधानमन्त्री केपी ओलीसँग भेट गरेका थिए।