सेनिटरी प्याडमा लुकाएर आधा केजी सुन तस्करी, लुटपाट गर्ने तीन जना पक्राउ

समाज

गृहपृष्ठ
समाज

सेनिटरी प्याडमा लुकाएर आधा केजी सुन तस्करी, लुटपाट गर्ने तीन जना पक्राउ

क्यापिटल नेपालसोमबार, पुस २२, २०८१

काठमाडौं। नेपाल प्रहरीको उपत्यका अपराध अनुसन्धान कार्यालयको टोलीले सेनिटरी प्याडमा लुकाई ल्याइएको तस्करीको आधा केजी सुन लुटपाट गर्ने तीन जनालाई पक्राउ गरेको छ।

पुस १४ गते दुबईबाट नेपाल आएकी एक महिलाले प्याडभित्र लेपन लगाएर तस्करी गरेको आधा केजी सुन सम्बन्धित ठाउँमा नपुगी लुटिएको थियो। आधा केजी सुन लुटपाटमा संलग्न तीन जनालाई उपत्यका अपराध अनुसन्धान कार्यालयको टोलीले पक्राउ गरेको हो।

पक्राउ पर्नेमा नुवाकोटको पञ्चकन्या गाउँपालिका–१ का २६ वर्षीय सुजन नेपाली, सिन्धुपाल्चोकको चौतारा साँगाचोकगढी नगरपालिका–३ की ३२ वर्षीया मिनसाङ लामा तामाङ र काभ्रेको तेमाल गाउँपालिका–१ का २२ वर्षीया लालबहादुर तामाङ रहेका छन्।

लुटपाटमा संलग्न केही व्यक्ति फरार रहे पनि पक्राउ परेकामाथि थप अनुसन्धान र सुन बरामद गरिएको उपत्यका अपराध अनुसन्धान कार्यालयका एसपी काजीकुमार आचार्यले बताए।

प्रकाशित मिति: सोमबार, पुस २२, २०८१ १२:४०

प्रतिक्रिया दिनुहोस्