‘पटक-पटक भूकम्प जाँदैमा जोखिम छ भन्न मिल्दैन’

समाज

गृहपृष्ठ
समाज

‘पटक-पटक भूकम्प जाँदैमा जोखिम छ भन्न मिल्दैन’

क्यापिटल नेपालमंगलबार, पुस २३, २०८१

काठमाडौं। मंगलबार बिहानै काठमाडौं उपत्यकासहित पूर्वी भागमा ठूलो भूकम्प गयो। चीनको सिजाङ स्वशासित क्षेत्रको डिङ्गयी काउन्टी केन्द्र भएर गएको ६ दशमलव ८ म्याग्निच्युडको भूकम्प मुलुकको पूर्वी भागमा बढी महसुस भएको थियो।

यसैबीच, पटकपटक कम्पन हुँदैमा ठूलो भूकम्पको जोखिम छ भन्न नमिल्ने भूकम्पविदले बताएका छन्। भूकम्पको भविष्यवाणी गर्न नमिल्ने उनीहरूको भनाइ थियो।

खानी तथा भू–गर्भ विभागअन्तर्गत राष्ट्रिय भूकम्प मापन तथा अनुसन्धान केन्द्रका वरिष्ठ भूकम्पविद् डा. लोकविजय अधिकारीले पटकपटक भूकम्प जाँदैमा तत्काल अर्को ठूलो भूकम्पको जोखिम रहन्छ भन्ने नभएको बताए। भूकम्पको भविष्यवाणी हुन नसक्ने उनको भनाइ थियो।

‘पटकपटक भूकम्प गइरहेको स्थानमा भूकम्पको शक्ति जम्मा भइरहेको हुन्छ, उक्त ठाउँमा ससाना भूकम्प गइरहेका हुन्छन् भने भविष्यमा ठूलो भूकम्प जान सक्ने सम्भावना हुन्छ,’ उनले भने, ‘तर, अहिलेसम्म भूकम्प जाने भविष्यवाणी भने गर्न सकिएको छैन।’

प्रकाशित मिति: मंगलबार, पुस २३, २०८१ १६:०३

प्रतिक्रिया दिनुहोस्