तत्कालीन इञ्जिनियर विष्णु कुमारविरुद्ध ५ करोड बराबरको भ्रष्टाचार मुद्दा दायर

समाज

गृहपृष्ठ
समाज

तत्कालीन इञ्जिनियर विष्णु कुमारविरुद्ध ५ करोड बराबरको भ्रष्टाचार मुद्दा दायर

क्यापिटल नेपालआइतबार, पुस २८, २०८१

काठमाडौं। जलश्रोत तथा सिँचाइ विभागमा कार्यरत तत्कालीन इञ्जिनियर विष्णु कुमार श्रेष्ठविरुद्ध झण्डै ५ करोड बराबरको भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले आइतबार उनीविरुद्ध मुद्दा दायर गरेको हो।

अख्तियारले उनीविरुद्ध ४ करोड ८८ लाख ३० हजार रुपैयाँ बराबरको बिगो कायम गरी विशेष अदालतमा मुद्दा दायर गरेको हो। उनीविरुद्ध सिँचाइ तथा जल उत्पन्न प्रकोप नियन्त्रणका नाममा निर्माण हुने संरचनाबाट ठेकेदारसँग मिलेमतो गरी कमिसन लिई भ्रष्टाचार गरेको उजुरी परेको थियो।

कमिसनबाट उनले काठमाडौं, ललितपुरलगायत विभिन्न स्थानमा घर जग्ग, गाडी खरिद तथा विभिन्न कम्पनीका सेयरमा लगानी गरेको उजुरीमा उल्लेख थियो। यस विषयमा अनुसन्धान गर्दा उन स्रोत खुलाउन नसकेकाले भ्रष्टाचार मुद्दा दायर गरिएको अख्तियार प्रवक्ता नरहरि घिमिरेले जानकारी दिए।

अख्तियारले उनीसहित पत्नी लक्ष्मी कुमारी श्रेष्ठ, बाबु हरि कुमार श्रेष्ठ, आमा इन्द्र कुमारी श्रेष्ठ र छोरा विवेक श्रेष्ठलाई समेत प्रतिवादी कायम मुद्दा दायर भएको छ।

प्रकाशित मिति: आइतबार, पुस २८, २०८१ १३:२४

प्रतिक्रिया दिनुहोस्