भारतबाट गहुँ आयात गर्न ५८ फर्मकाे आवेदन, फागुन पहिलो साताबाटै आयात (सूचीसहित)

उद्योग

गृहपृष्ठ
उद्योग

भारतबाट गहुँ आयात गर्न ५८ फर्मकाे आवेदन, फागुन पहिलो साताबाटै आयात (सूचीसहित)

क्यापिटल नेपालशुक्रबार, माघ २५, २०८१

काठमाडौं । सरकारले भारतबाट ९० हजार टन गहुँ आयातका लागि माग गरेको प्रस्तावमा ५८ फर्मले निवेदन हालेको वाणिज्य, आपूर्ति तथा उपभोक्ता संरक्षण विभागले जनाएको छ।

यसअघि विभागले व्यापारिक प्रयोजनका लागि माघ १४ मा माघ २० सम्मको मिति राखेर भारतबाट गहुँ आयात आवेदन खुलाएपछि ५८ फर्मले आवेदन दिएका हुन् ।

विभागले ९० हजार टनको कोटा पाएकामा इच्छुक फर्म/कम्पनीसँग एक साताको समय दिएर आवेदन मागिएको ५८ कम्पनी इच्छुक देखिएका छन्,’ विभागका महानिर्देशक राजन पौडेलले भने, ‘सबै प्रक्रिया पूरा गरेर फागुन पहिलो साताबाटै आयात सुरु हुन्छ ।’

आवेदन दिएका फर्मले न्यूनतम १०० टन र बढीमा १० हजार टनसम्म गहुँ आयात गर्न पाउनेछन् । यसरी आयात गर्न फर्म वा कम्पनीको चुक्ता पुँजी कम्तीमा १ करोड रुपैयाँ बराबर हुनुपर्ने विभागको सूचनामा उल्लेख थियो।

गहुँ आयातका लागि नेसनल को–अपरेटिभ एक्स्पोटर्स लिमिटेडलाई शतप्रतिशत अग्रिम भुक्तानी गर्नुपर्ने हुँदा वित्तीय स्रोत सुनिश्चितता भएको हुनुपर्ने, कम्पनीले माग गरेका आधारमा प्राप्त कोटा विभागबाट अघिल्लो वर्ष आवेदक कम्पनीले राजस्वमा गरेको योगदान र खाद्यान्न आयातमा अनुभव भएकालाई गहुँ आयात गर्न सक्ने क्षमताका आधारमा प्राथमिकता दिई बाँडफाँट गरिने भनिएको छ।

प्रकाशित मिति: शुक्रबार, माघ २५, २०८१ १७:५०

प्रतिक्रिया दिनुहोस्