राजस्व चुहावट गर्ने तीन जनाविरुद्ध उच्च अदालतमा मुद्दा दायर, साढे १० करोड मागदाबी

अर्थतन्त्र

गृहपृष्ठ
अर्थतन्त्र

राजस्व चुहावट गर्ने तीन जनाविरुद्ध उच्च अदालतमा मुद्दा दायर, साढे १० करोड मागदाबी

क्यापिटल नेपालसोमबार, फागुन १२, २०८१

काठमाडौं। राजस्व अनुसन्धान विभागले राजस्व चुहावट कसुर अभियोगमा उच्च अदालत पाटनमा तीन जनाविरुद्ध मुद्दा दायर गरेको छ।

विभागले रसुवागढी नाकाबाट ३३७२ जोर ब्रान्डेड जुत्ता चोरी पैठारी गर्ने बुद्ध लामा, कुमार श्रेष्ठ र नौलबहादुर तामाङविरुद्ध १० करोड बढी रकम मागदाबी गर्दै आइतबार अदालतमा मुद्दा दायर गरेको हो।

रसुवा नाकाबाट ३३७२ जोर ब्रान्डेड जुत्ता चोरी पैठारी गरी ल्याउने बमजन इन्टरप्राइजेजका प्रोप्राइटर लामाविरुद्ध २ करोड ८० लाख ६६ हजार ७५९ बिगो कायम गरी सोहीबमोजिम बिगो जफत तथा बिगोको शतप्रतिशत जरिवाना मागदाबी गरिएको छ।

चोरी पैठारीका जुत्ता खरिद गर्न लगाउने श्रेष्ठविरुद्ध पनि १ करोड २५ लाख ६७ हजार ९३४ रुपैयाँ बिगो, जरिवाना र कैद मागदाबी गरिएको विभागका प्रवक्ता कृष्णकुमारी श्रेष्ठले बताइन्।

प्रतिवादी लामालाई जुत्ता चोरी पैठारी गर्न साथ र सहयोग गरेको आधारमा अर्का प्रतिवादी भन्सार एजेन्ट तामाविरुद्ध पनि मतियारलाई हुने सजायको मागदाबी गरिएको विभागले जनाएको छ।

तीन जना प्रतिवादीबाट बिगो र शतप्रतिशत जरिवाना गरी १० करोड ८४ लाख ६७४ रुपैयाँ मागदाबीसहित मुद्दा दायर गरिएको विभागका प्रवक्ता श्रेष्ठको भनाइ छ।

प्रकाशित मिति: सोमबार, फागुन १२, २०८१ ०९:३२

प्रतिक्रिया दिनुहोस्