सिद्धार्थ बुटिक होटल बौद्धमा ल्होसार सांगीतिक कार्यक्रम, प्रवेश निःशुल्क

पर्यटन

गृहपृष्ठ
पर्यटन

सिद्धार्थ बुटिक होटल बौद्धमा ल्होसार सांगीतिक कार्यक्रम, प्रवेश निःशुल्क

क्यापिटल नेपालशुक्रबार, फागुन १६, २०८१

काठमाडौं। सिद्धार्थ बुटिक होटल बौद्धले बौद्ध धर्मावलम्बीको महत्त्वपूर्ण चाड ग्याल्पो ल्होसार अवसरमा शनिबार सांगीतिक कार्यक्रम गर्ने भएको छ। फागुन १७ गते दिउँसो ३ देखि ९ बजेसम्म होटल परिसर बौद्धमा हुने प्रबन्धक रविन अर्यालले जानकारी दिए।

कार्यक्रममा विश्व दोङ, सुमिना लो, लाक्पा तेन्जी शेर्पा, पाल्मु शेर्पा, बालगायक लाक्पा डोमा शेर्पालगायत कलाकारको प्रत्यक्ष प्रस्तुति रहनेछ। कार्यक्रममा सहभागीले डिजे नवाङको रोमाञ्चक डिजे सेसन, लोकल ब्याण्डको लाइभ ब्याण्ड प्रस्तुति र परम्परागत सांस्कृतिक घरानाहरुको मनमोहक सांस्कृतिक नृत्यको पनि मजा लिन सक्नेछन्।

अर्यालका अनुसार एक हजारभन्दा बढी दर्शक अपेक्षा गरिएको कार्यक्रमले अविस्मरणीय सांस्कृतिक अनुभव दिनेछ। ग्याल्पो ल्होसार अवसरमा मनाइने यस कार्यक्रममा सबैलाई निःशुल्क प्रवेश व्यवस्था गरिएको छ। साथै, सशुल्क खाना तथा पेयका स्टल पनि उपलब्ध हुनेछन्।