ग्लोबल आइएमई बैंकले महिला उद्यमीलाई न्यूनतम ब्याजदरमा १० करोड कर्जा दिने

बैंकिङ

गृहपृष्ठ
बैंकिङ

ग्लोबल आइएमई बैंकले महिला उद्यमीलाई न्यूनतम ब्याजदरमा १० करोड कर्जा दिने

क्यापिटल नेपालशुक्रबार, फागुन २३, २०८१

काठमाडौं। ग्लोबल आइएमई बैंकले साना तथा मझौला उद्यमीलाई लक्षित गर्दै ग्लोबल ‘म उद्यमी’ कर्जा सार्वजनिक गरेको छ। बैंकले महिला उद्यमीलाई वित्तीय सहजीकरण गर्ने लक्षसहित उक्त कर्जा ल्याएको हो।

रोजगारीको विकास, सामाजिक विकास र स्थानिय समुदायहरुमा आर्थिक सशक्तिकरणमा सहयोग पुग्ने गरी उक्त कर्जा ल्याएको बैंकले बताएको छ। यो योजनाले महिला उद्यमीलाई व्यवसाय सञ्चालन गर्न प्रोत्साहित गर्ने बैंकले विश्वास व्यक्त गरेको छ।

महिलाले नेतृत्व गरेको कृषि, उत्पादन, प्रशोधन तथा बजारीकरण क्षेत्रको घरेलु, साना तथा मझौला उद्योगलाई बैंकले विशेष प्रथामिकता दिएर कर्जा प्रदान गर्ने बताएको छ। बैंकले न्यूनतम ब्याजदरमा महिला उद्यमीलाई १० करोड रुपैयाँसम्मको कर्जा दिने जनाएको छ।

महिलाको कम्तिमा ५० प्रतिशत स्वामित्व भइ उनीहरुकै नेतृत्वमा व्यवसाय सञ्चालन भए मात्र उक्त कर्जा पाउने बैंकको भनाइ छ। कर्जा लिएमा बैंकले उद्यमी डिजिटल उपहार समेत प्रदान गर्ने बताएको छ।