‘एमबीएल इक्विटी फन्ड’ मा आवेदन समय थपियो

सेयर

गृहपृष्ठ
सेयर

‘एमबीएल इक्विटी फन्ड’ मा आवेदन समय थपियो

क्यापिटल नेपालसोमबार, फागुन २६, २०८१

काठमाडौं। माछापुच्छ्रे क्यापिटलको ‘एमबीएल इक्विटी फन्ड’ योजनामा आवेदन दिने समय थपिएको छ। फन्डको इकाइ खरिदका लागि चैत ७ गतेसम्म आवेदन दिन सकिने भएको हो।

यसअघि उक्त फन्डमा छिटोमा फागुन २६ गते निष्कासन बन्द हुने भनिए पनि मागअनुसारको आवेदन नपरेकोले निष्कासन अवधि लम्बिएको कम्पनीले बताएको छ।

माछापुच्छ्रे क्यापिटलले फागुन २२ गतेदेखि म्युचुअल फन्ड योजना बिक्री खुलाएको थियो। माछापुच्छ्रे क्यापिटलको व्यवस्थापनमा सञ्चालित ‘एमबीएल इक्विटी फन्ड’ले १२ करोड इकाइ बिक्री खुला गरेको हो।

प्रतिइकाइ १० रुपैयाँको दरले १ अर्ब २० करोड रुपैयाँ बराबरको इकाइ जारी गरिएको छ।

कुल योजनाको आकारमध्ये १५ प्रतिशत इकाइ माछापुच्छ्रे बैंक तथा १४ प्रतिशत इकाइ माछापुच्छ्रे क्यापिटलले खरिद गर्नेछन्। बाँकी ८५ करोड रुपैयाँ बराबरको १० करोड २० लाख इकाइ सार्वजनिक निष्कासन भएको हो।

यसमा न्यूनतम १ सय इकाइदेखि अधिकतम १ करोड २० लाख इकाइसम्म आवेदन दिन सकिन्छ।

प्रकाशित मिति: सोमबार, फागुन २६, २०८१ ०७:५३

प्रतिक्रिया दिनुहोस्