काठमाडौंका ठाउँठाउँमा चेकप्वाइन्ट खडा गरी बिहानैदेखि ट्राफिक चेकिङमा कडाइ

मुख्य समाचार

गृहपृष्ठ
मुख्य समाचार

काठमाडौंका ठाउँठाउँमा चेकप्वाइन्ट खडा गरी बिहानैदेखि ट्राफिक चेकिङमा कडाइ

क्यापिटल नेपालबिहीबार, फागुन २९, २०८१

काठमाडौं। होलीको दिन आज काठमाडौं उपत्यकामा ट्राफिक चेकजाँच कडा पारिएको छ। होलीको बहानामा मादक र लागुपदार्थ सेवन गरी सवारी साधन चलाउने प्रवृत्तिलाई निस्तेज गरी सम्भावित सडक दुर्घटना रोक्नका लागि उपत्यकामा ट्राफिक चेकजाँच कडा पारिएको हो।

मूल सडक र भित्री सडकहरूमा चेकप्वाइन्ट खडा गरी बिहानैदेखि ट्राफिक चेकजाँच भइरहेको काठमाडौं उपत्यका ट्राफिक प्रहरी कार्यालयले जनाएको छ। कार्यालयका अनुसार आज उपत्यकाका १ सय २१ ठाउँमा ट्राफिक चेकजाँचको व्यवस्था मिलाइएको छ।

ट्राफिक प्रहरी कार्यालयले चालकले लागुपदार्थ सेवन गरेको बारे परीक्षण गर्न प्राविधिकसहितको टिम खटाउन निर्देशन दिएको जानकारी दिएको छ। सो क्रममा लागुपदार्थ सेवन गरेको भेटिए मुद्दा समेत चलाइने उपत्यका प्रहरी कार्यालयले बताएको छ।