हाम्रो पात्रोको व्यवस्थापकीय प्रमुखमा गौतम 

काठमाडौं– हाम्रो पात्रोको व्यवस्थापकीय प्रमुखमा सुदिना गौतम नियुक्त भएकी छन्। करिब ८ वर्षदेखि हाम्रो पात्रोमा प्रशासन विभाग प्रमुख रहेकी गौतमलाई कम्पनीले प्रबन्ध निर्देशकमा पदोन्नति गरेको हो।

हाम्रो पात्रोका लागि व्यवस्थापक तथा सम्पादक सुदिना गौतम नेपालस्थित एकमात्र आधिकारिक प्रतिनिधि एवम् सम्पर्क व्यक्ति रहेको कम्पनीले जनाएको छ।

हाम्रो पात्रोले आफूसँग आवद्ध साझेदार सञ्चारमाध्यमहरुलाई सम्झौता नवीकरणका लागि सम्पर्क गर्न अनुरोधसमेत गरेको छ। साथै हाम्रो पात्रो एपलाई अझ बढी परिस्कृत, गतिशील र प्रयोगकर्ताका लागि रुचिकर फिचरहरु थप गर्दै लगिने प्रतिवद्धता पनि जनाएको छ।