बानेश्वरमा विद्यार्थी संगठनले जलाए प्रधानमन्त्रीको पुतला [तस्बिरहरु]

काठमाडौं– संयुक्त विद्यार्थी संगठनले बुधबार साँझ काठमाडौंको नयाँ बानेश्वरमा प्रधानमन्त्री केपी शर्मा ओलीको पुतला दहन गरेका छन्। विपक्षी पाँच दल निकट संयुक्त विद्यार्थी संगठनले  प्रधानमन्त्रीको पुतला दहन गरेका हुन्।

प्रधानमन्त्री ओली निरंकुश बन्दै गएको आरोप लगाउँदै उनीहरुले पुतला दहन गरेको बताएका छन्। उनीहरुले प्रतिनिधिसभा विघटनको विरोध समेत गरेका थिए। सरकारले महँगी बढाएको, जनताको न्यूनतम आधारभूत आवश्यकता पूरा गर्न नसकेको उनीहरुको आरोप छ।

उनीहरुले विघटित संसद पुनर्स्थापना, प्रधानमन्त्रीको राजीनामा र पेट्रोलियम पदार्थको मूल्यवृद्धि फिर्ताको माग राखेका छन्। पुतला जलाउने क्रममा प्रहरीले हस्तक्षेप गरेको थियो।