प्राधिकरणका कार्यकारी निर्देशक शाक्यलाई सर्वोच्चले दियो रिट सच्याउने अवसर

पूर्वाधार

गृहपृष्ठ
पूर्वाधार

प्राधिकरणका कार्यकारी निर्देशक शाक्यलाई सर्वोच्चले दियो रिट सच्याउने अवसर

क्यापिटल नेपालबिहीबार, चैत १४, २०८१

काठमाडौं। नेपाल विद्युत् प्राधिकरणका नवनियुक्त कार्यकारी निर्देशक हितेन्द्रदेव शाक्यलाई रीट सच्याउन सर्वोच्च अदालतले अवसर दिएको छ । शाक्य आफ्नो साढे ३ वर्ष पुरानो मुद्दाको टुंगो लगाउन माग गर्दै बुधबार सर्वोच्चमा रीट लिएर पुगेका थिए । सर्वोच्च प्रशासनले भने रीटमा रीत नपुगेको भन्दै सच्याउन अवसर दिएको हो ।

शाक्यका पक्षबाट आएका कानुन व्यावसायीसँग सर्वोच्चका रजिस्ट्रार भद्रकाली पोखरेलले छलफल गरेका थिए । त्यसपछि रीट सच्याउन समय दिइएको हो ।

प्रशासनले फिर्ता गरेपछि शाक्य पक्षले रीट सच्याएर आजै पेस गर्ने तयारी गरेको स्रोतले जानकारी दिएको छ । कुलमान घिसिङलाई बर्खास्त गरी शाक्यलाई प्राधिकरणको कार्यकारी निर्देशक नियुक्त गरेपछि विवाद सर्वोच्च पुगेको थियो ।

सर्वोच्चमा घिसिङले पनि आफ्नो बर्खास्ती गैरकानुनी भएको दाबी गर्दै आजै रीट दायर गरेका छन् । लगत्तै शाक्य पनि आफ्नो पुरानो मुद्दा टुंग्याउन माग गर्दै रीट लिएर पुगेका हुन् ।

शाक्यले २०७७ सालमा आफूलाई प्राधिकरणको कार्यकारी निर्देशकबाट ऊर्जा आयोगमा सरुवा गर्ने निर्णय गलत भएको र आफूले खाइपाई आएको सेवासुविधा उपब्लध गराउनुपर्ने मागसहित रीट दायर गरेका थिए । उक्त रीटको पेशी २०८२ असार १० का लागि तोकिएको छ ।

प्रकाशित मिति: बिहीबार, चैत १४, २०८१ १३:३४

प्रतिक्रिया दिनुहोस्