जाजरकोट भूकम्पः ३४ हजार निजी आवासमा क्षति आकलन

समाज

गृहपृष्ठ
समाज

जाजरकोट भूकम्पः ३४ हजार निजी आवासमा क्षति आकलन

क्यापिटल नेपालमंगलबार, वैशाख २, २०८२

फाइल तस्बिर

काठमाडौं। चैत मसान्तसम्म जाजरकोट भूकम्पबाट प्रभावित निजी आवासको क्षति आकलन गरिएको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणले ३४ हजार ३५ निजी आवासको विस्तृत क्षति आकलन गरिएको विवरण आफ्नो प्रणालीमा प्रविष्ट भइसकेको जनाएको छ।

प्राधिकरणका प्रवक्ता एवं उपसचिव रामबहादुर केसीले अझै क्षति आकलनको काम जारी रहेको बताए। अब नयाँ वर्षसँगै जाजरकोट भूकम्पबाट क्षतिग्रस्त थप निजी आवासको क्षति आकलनका लागि प्राधिकरण र मध्यपश्चिम विश्वविद्यालयबीच सम्झौता भएको उनले जानकारी दिए।

यसका लागि हालै मात्र प्राधिकरणका कार्यकारी प्रमुख ई दिनेश भट्ट र विश्वविद्यालयको ग्राजुएट स्कुल अफ इञ्जिनियरिङका डिन सहप्राध्यापक डा राजन सुवालले यससम्बन्धी सम्झौता पत्रमा हस्ताक्षर गरेका छन्।

कर्णाली प्रदेश राजधानी सुर्खेत वीरेन्द्रनगरमा अवस्थित विश्वविद्यालयले २८ हजार ३५७ परिवारको निजी घरको क्षति आकलनका लागि ८५ जना प्राविधिक बाँकी स्थानीय तहमा खटाउनेछ।

यसअघि, विस्तृत क्षति आकलनका लागि प्राधिकरण र पुल्चोक इञ्जिनियरिङ क्याम्पसबीच सम्झौता भई विस्तृत क्षति आकलन भएको थियो।

प्रकाशित मिति: मंगलबार, वैशाख २, २०८२ ०६:४२

प्रतिक्रिया दिनुहोस्