पूर्वाधार

ढल्केबर सबस्टेसन आगलागीको कार्यकारी निर्देशक शाक्यसहितको टोलीले गर्‍यो निरीक्षण

क्यापिटल नेपालबिहीबार, वैशाख ४, २०८२

काठमाडौं। नेपाल विद्युत् प्राधिकरणका कार्यकारी निर्देशक हितेन्द्रदेव शाक्यले आगलागी भएको ढल्केबर सबस्टेसनको निरीक्षण गरेका छन्। बुधबार आगलागी भएको उक्त सबस्टेसनको अध्ययन तथा निरीक्षण गर्न उनको टोली आज त्यहाँ पुगेको हो।

कार्यकारी निर्देशक शाक्यले अचानक आएको प्राविधिक समस्या, उक्त क्षेत्रको विद्यमान लोड माग र आपूर्तिको अवस्थाको दिगो समाधान गर्ने बताएका छन्।

वर्षौंदेखि प्राधिकरणअन्तर्गतका वितरण पूर्वाधार संरचना मर्मत सम्भार अवस्थामा सञ्चालन गरिंदै आएको छ। दिगो र भरपर्दो विद्युत् आपूर्ति गर्न पूर्वाधार संरचनाको मर्मत सम्भार,नयाँ जडानलगायत काम गर्ने र भविष्यमा यस्ता खालका दुर्घटना घट्न नदिने गरी अगाडि बढ्ने उनको भनाइ छ।

ढल्केबर देशकै ठूलो सबस्टेसन हो। यहाँ ४०० केभीदेखि ११ केभीसम्मका अलगअलग सबस्टेसन छन्। बुधबार सबस्टेसन १३२ र ३३र११ केभी खण्डमा मात्र आगलागी भएको प्राधिकरणले जनाएको छ। सबस्टेसन पूरै खण्डमा कुनै समस्या नआएको प्राधिकरणका कार्यकारी निर्देशक शाक्यले जानकारी दिए।